Unicar leverar bilar runt Føroyar. Í formularinum hevur tú møguleika at velja ímillum ymisk støð í Tórshavn ella í Vágum, har tú ynskir at heinta ella avlevera bilin. Eisini hevur tú møguleika at skriva eitt annað stað inn í teigin, men vinarliga legg til merkis:

• Vit levera bert bilar, har ið tað er landfast, t.v.s. at vit levera ikki bilar til Suðuroynna, Nólsoynna ella Kalsoynna.
• Til støð, ið liggja longri vekk frá Vágunum – eitt nú Runavík ella Klaksvík – er treytin fyri levering, at leigumálið fevnir um í minsta lagið 3. dagar.
• Ynskir tú serliga levering, so er neyðugt, at tú bíleggur í minsta lagið 48 tímar áðrenn leigumálið byrjar – hettar fyri at tryggja okkum, at vit kunnu ganga tínum ynski á møti.
• Vit krevja eitt eyka gjald fyri at levera bilin aðrastaðni enn á Vágoynni.

Hevur tú hevur spurningar, ert tú vælkomin at seta teg í samband við okkum.

Sjálvsábyrgdin er í mesta lagið 7900 kr. fyri ein skaða. Hvussu nógv ein skal gjalda í sjálvsábyrgd er alt eftir hvussu dýrur skaðin er at gera aftur. Um onnur hava gjørt skaða á leigubilin, skal skrivlig váttan frá mótpartinum útvegast. Øll óhapp har materiellur skaði er skulu fráboðast.

Sjálvsábyrgdar­trygging kann teknast fyri 100 kr/dag. Hevur tú sjálvsábyrgdar­trygging við í leigumálinum, fellur sjálvsábyrgdin frá 7900 kr til 2500 kr fyri hvønn skaða.

Sjálvsábyrgdar trygging umfatar ikki:

• Skaðar, har ið førarin hevur verið undir ávirkan av rúsdrekka, ella av øðrum orsøkum ikki er førur fyri at koyra bilin trygt.
• Hol, sum eru brend á setur, teppi og mottur.
• Brotnað útgerð inni í bilinum.
• Skaðar undir botninum á bilinum, tá ið koyrt hevur verið á vánaligum vegi.
• Kostnaðin fyri at sleipa bilin upp aftur, um hann er farin út av vegnum.

Tað eru fýra undirsjóvartunlar í Føroyum:

• Vágatunnilin: Vágar – Streymoy
• Norðoyartunnilin: Eysturoy – Borðoy (Klaksvík)
• Eysturoyartunnilin: Eysturoy – Streymoy
• Sandoyartunnilin: Streymoy – Sandoy

Allir tunlarnir krevja eitt gjald fyri at koyra ígjøgnum teir. Tú kanst annaðhvørt gjalda frammanundan ella vit senda rokning eftir leigumálið. Vágatunnilin og Norðoyartunnilin:Vit taka 80 kr. fyri ein túr aftur og fram gjøgnum Vágatunnilin ella Norðoyartunnilin. Koyr so nógv tú vilt ígjøgnum hesar tunlarnir fyri 350 kr við at keypa Undirsjóvartunnilstúrar óavmarkað, tá ið tú bíleggur bilin. Eysturoyartunnilin og Sandoyartunnilin: Hesir báðir tunlarnir eru ikki partur av pakkanum við óavmarkaðum túrum. Teir kosta 175 kr. fyri hvønn túr. Um tú ikki hevur goldið fyri hesar túrar frammanundan, verður upphæddin fakturera eftir leigumálið.

Vit bjóða ymiskar tænastur og eykaútgerð, sum ger leigumálið nemmari. Tú kanst millum annað leiga barnastól ella barnapútu (krav sambært lóg fyri børn undir 135 cm), fáa tráðleyst net í bilin ella velja at lata okkum taka okkum av áfylling aftaná leigumálið. Um tú heintar ella avleverar bilin á Vága Floghavn, verður eitt flogvallargjald lagt afturat.

• Heintan á Vága Floghavn: 150 kr
• Avlevering á Vága Floghavn: 150 kr
• Áfylling eftir leigumálið: 200 kr + brennievni
• Barnastólur: 150 kr - (Støddir: 0-9kg, 9-18kg og 18-36kg)
• Barnapúta: 75 kr - lógarkrav hjá børnum undir 135 cm
• WiFi: 45 kr/dag - óavmarkað WiFi í leigubilin

Bilurin skal avleverast:

• Við allari útgerð í sama standi, sum hon var í, tá ið tú heintaði bilin – hettar umfatar dokumentir, amboð, eyka útgerð o.s.fr. Um okkurt manglar ella verður oyðilagt undir leigumálinum, senda vit tær eina rokining fyri tað.
• Við fullum tanga. Um leigubilurin ikki er fullur, krevja vit upphæddina fyri manglandi brennievni + 200 kr fyri at fylla bilin.
• Hampuligar reinur. Tað vil siga at skrell, matur o.a. skal ikki liggja eftir í bilinum. Bilurin skal ikki vera dekkaður í runu uttan. Um bilurin verður avleveraður serliga skitin, so taka vit eina upphædd fyri at skulu brúka eyka tíð uppá reingerðing.
• Roykfríur. Tað er ikki loyvt at roykja í leigubilunum. Ein upphædd fakturera, um tað hevur verið roykt í bilinum.
• Til tíðina. Um bilurin ikki verður avleveraður til ta tíðina, ið var avtalað, kanst tú koma at gjalda fyri hettar, um tú ikki frammanundan ringir og sigur frá um tú ert seinkaður. Tú ert sjálvandi vælkomin at ringja til okkum og spyrja um tað letur seg gera at hava bilin longri enn avtalað.

Avlýsing: Seinasta freist av avlýsa leigumálið er 14 dagar frammanundan leigan er sett til at byrja. Tá fært tú allan peningin endurgoldnan minus avgreiðslugjald bankans. Avlýsir tú 7-14 dagar frammanundan leigumálið krevja vit 30% av leigupphæddini. Verður avlýst eftir 7 dagar at leigan er sett a byrja, verður einki endurgoldið.

Broyting: Tað kostar onki at broyta leigutíðarskeiðið, vit kunnu tó ikki garantera at vit hava tøkar bilar.

Av tí at veðrið í Føroyum vera sera skiftandi og elva til flogsavlýsingar, mæla vit til at hava ferðatrygging ella rinda við gjaldskorti, har slík trygging er við í.

Eyka útgerð

• Dýnu- og koddavár: 100 kr / stk
• Lak: 15 kr / stk
• Reingerðargjald fyri kelidjór: 150 kr

Krøv til seingjarklæðir

• Seingjarklæðir skulu leggjast á dýnur, pútur og madrassur.
• Um tú hevur soviposa við, skalt tú kortini leggja lak á madrassuna.

Rusk

• Vatntangin og PortaPotti vesi skulu tømast á góðkendum støðum ella vesum.
• Alt rusk skal beinast burtur á rættan hátt.

Avlevering

• Bilurin skal avleverast hampiliga reinur og tømdur fyri allari matvøru og persónligum lutum, sum ikki hoyra til bilin. Um hettar ikki verður gjørt, verður ein upphædd fyri reingerð fakturera.

Les meira um kampingbilin